Psa 149 | YON | STEP | Yariman ye aningko kankoonime! Yariman yaa yook yeeb wingkime, kwane yorokmodan kuu nedbe ye aningko kankooni dowad yook wingkime.

Psalms 149

Yook 149

1 Yariman ye aningko kankoonime!
Yariman yaa yook yeeb wingkime,
kwane yorokmodan kuu nedbe ye aningko kankooni dowad yook wingkime.
2 Israeldan kuu yi Ongmoonman yaa kubenime,
kwane Saiyondan kuu yi King yaa kubi dowaken kerime.
3 Yi kuu andenib ye aningko kankoonime,
kwane ye yaa kuu tamboriniib haawiib wangke wingkime.
4 Amborom kuuYariman kuu ye nimakarub yaa kubi dowaken keendimaan kowe.
Kwane kane kane yi kuu dabab wayiroon kuu burudande dori kerekmen kondaneen.
5 Yorokmodan kuu kwane kondaneen kuyaa kuu kubi darewoowiib kerime,
kwane yi angkimbon arimbed kubi yook wingkime.
6 Yi mongkodkonombed God yaningko kankoonembirime,
kwane kerewang angkara arud angkara arud kuu yi dingki aom angkimborok.
7 Kukuu ambibkin yena yi arewa kamenabi yaa kakman kondi yeman,
yi yaa ukum kondi yeman kui.
8 Kukuu yi kingdan ben seinbed yerengki yeman,
yi korok korok kangkon awurimbed ben yerengke wii aom kambiri yeman kui.
9 Kukuu Godbed ukum kukui andoon kumbed yi yaa kwane kondi yeman.
Ye yorokmodan kwananiib kuu aningko darewoob kandaniib.
Yariman ye aningko kankoonime!